ڕاگەیەندراوێک لە فراکسیۆنی "کۆمەڵ" لە پەرلەمانی کوردستان سەبارەت بە دەستگیرکراوانى پارێزگاى دهۆک

2021-02-16

35 جار خوێندراوەتەوە

سەبارەت بە دەستگیرکردن و سزادانی دەستگیرکراوانی بادینان

ڕاگەیەندراوێک لە فراکسیۆنی "کۆمەڵ" لە پەرلەمانی کوردستان

بەناوی خوای بەخشندەی میهرەبان

ئەمڕۆ سێشەممە، ١٦ی‌ ٢ی‌ ٢٠٢١ شەش کەس لە هاووڵاتیانی‌ مەدەنی‌‌و چالاکەوان‌و رۆژنامەنووس، کە ماوەی شەش مانگە بەبێ تاوان دەستگیرکراون، سزای بەندکردنی شەش ساڵیان بەسەردا سەپێندرا.

ئێمە نیگەرانین لەم دۆخە و بە بەکارهێنانی یاسا و دادگای دەزانین بۆ مەرامی سیاسیی و حزبی، هاوکات پێشمانوایە ئەمە پێشهاتێکی مەترسیدارە و هەوڵێکە بۆ سەرکوتکردن و بێدەنگکردنی هاونیشتمانیان بەتایبەتیش لە سنوری پارێزگای‌ دهۆک.

هەروەها لەم ڕووداوانەدا پەرلەمانی کوردستان بە کەمتەرخەم دەزانین لە ئاستی بێدەنگبوونیدا کە لێدەگەڕێ مافی ئەو ڕۆژنامەنوس و مامۆستا و چالاکە مەدەنیانەی بادینان پێشێل بکرێت و بەو ئاسانییە تۆمەتیان بەسەردا بسەپێندرێت لە پرۆسەیەکدا کە تۆمەتبارکردنیان نایاساییەو بوونەتە قوربانی‌ ستەمی‌ پرۆسەی‌ دادوەریی‌.

لە هەمانکاتدا پێمان وایە ئەم سزادانە پێچەوانەی‌ بنەماکانی‌ مافی‌ مرۆڤ‌و بنەمای‌ ئازادییەکان‌و پڕەنسیپ‌و ئامانجەکانی‌‌ ڕاپەڕینی‌ بەهاری‌ ساڵی‌ ١٩٩١ی‌ خەڵکی‌ کوردستانە لە پێناو ئازادی‌‌و ئازادی‌ سیاسی‌‌، و دەرئەنجامی‌ خراپیشی‌ دەبێت لەسەر ئاشتی‌ کۆمەڵایەتی‌‌و ژیانی‌ فرەیی‌ لە کوردستان.

بۆیە داواکارین دادگای‌ پیاچوونەوەی‌ هەرێم چاو بەم بڕیارەدا بخشێنێتەوەو ماف بۆ مافخوراوان بگەڕێنێتەوەو‌ خەڵکی‌ کوردستان دڵنیابکاتەوە کە خەڵک لەسەر دەربڕینی‌ بیرو بۆچوون‌و کاری‌ رۆژنامەوانی‌‌و ناڕەزایی‌ دەربڕین سزا نادرێت.

فراکسیۆنی کۆمەڵ

لە پەرلەمانی کوردستان

١٦ی‌ ٢ی‌ ٢٠٢١

لە تۆڕە کۆمەڵایەتیەکان شەیری بکە

پەیوەندیدار

	هێرشى ترسنۆکانە بۆ سەر کاک د.غالیب شەرمەزار دەکەین
	" حكومه‌ت ئاگای‌ له‌ دۆخی‌ ژیانی‌ كه‌مئه‌ندامان‌و خاوه‌ن پێداویستی‌ تایبه‌ت‌و خانه‌وا
	٣١ پەرلەمانتارى کوردستان نامه‌یه‌كی‌ كراوه‌ ئاراستەى دادگای‌ (پیاچوونه‌وه‌ی‌ هه‌رێمی‌
	فراكسیۆنی‌ كۆمه‌ڵ خانەوادەى شێروان شێروانى بەسەر دەکاتەوەو پشتیوانی‌‌و هاوسۆزی‌ خۆی‌
	" وه‌كچۆن كه‌سانێك چاویان بڕیوه‌ته‌ گیرفانی‌ میلله‌ت، گروپ‌و كه‌سانێكیش خۆیان مه‌ڵاسد