بەدواداچوون بۆ بێکارى گەنجان و هۆکارى دەستەوسانى حکومەت بەرانبەر گەنجان لە کاتێکدا دۆخى دارایى باشە

2022-02-27

466 جار خوێندراوەتەوە

بێکاریى گەنجان هەڕەشەیەکى جیدیە

بەدواداچوون:

بە پێى ئەو زانیارییانەى لەڕێگەى بەدواداچوونەوە دەستم کەوتوون، لە هەرێمى کوردستان، نزیکەى (617,000) هاووڵاتى بێکارن، لەو ڕێژەیەش نزیکەى (393,000)یان گەنجانى تەمەن (١٦ بۆ ٢٤ساڵ)ن، ئامارو زانیارییەکانیش بۆ ساڵانی (٢٠١٧ و ٢٠١٨) دەگەڕێنەوە، ئەم ژمارەیەش بەردەوام زیاد دەکات، بەهۆى نەبوونى دامەزراندن لە کەرتى گشتى و بەگەڕنەخستنەوەى پڕۆژەکان و نەڕەخساندنى هەلى کار لە کەرتى تایبەت و نەبوونى پشتیوانی حکومەت بۆ گەنجان لە دۆزینەوەى کارو بونیاتنانى کارو پڕۆژەى بچوکى تایبەت بەخۆیان.

بێکاریی، تەنها خاڵیبوونى گیرفانەکان بەدواى خۆیدا ناهێنێت، بەڵکو کۆمەڵێک کێشەو بەڵاى کۆمەڵایەتى بەدواى خۆیدا دەهێنێت کە بارگرانى گەورە دەخاتە سەر شانى وڵات و خێزانەکان بەشێوەیەکى گشتى.

لەمبارەیەوە، بە نووسراوى ژمارە (١٩٥) لە (٢٠ى ٢ى ٢٠٢٢) داوامانکرد سەرۆکى ئەنجومەنى وەزیران ڕوونکردنەوە بدات لەسەر دەستەوسانى حکومەت لەسەر کێشەى بێکارىی، بەتایبەت بێکاریى گەنجان.

پڕ مەترسییە ئەگەر حکومەت لە دۆخى سەختى بێکاریی گەنجاندا تەنها تەماشاکاربێت و بەرنامەو پلانى نەبێت بۆ کەمکردنەوەى ڕێژەى بێکارى و بەهاناوەچوونى گەنجان لەو دۆخەى تیایدان، بەتایبەت کە ئێستە دۆخى هەرێم لە ڕووى داراییەوە زۆر باشە و نرخى نەوت گەیشتووەتە باشترین ئاستى لە ماوەى هەشت ساڵى ڕابردوودا.

ئەم هەوڵ و بەدواداچوونەى ئێمە بێجگە لە بەداواچوون بۆ بەڵێن و ئەرکەکانی حکومەت و دەسەڵات و حزبە پێکهێنەرەکانی بەرانبەر گەنجان، لە هەمانکاتدا هوشداریشە لەو ئەنجامە خراپانەى بێکارى بەدواى خۆیدا دەیهێنێت لە ئایندەیەکى نزیکدا.

عومەر گوڵپى

ئەندامى پەرلەمانى کوردستان

٢٧ى ٢ى ٢٠٢٢

لە تۆڕە کۆمەڵایەتیەکان شەیری بکە

پەیوەندیدار

	لە دادگای‌ پێداچوونەوەش دۆڕاندیان و بۆ هەمیشە دەرگاکەیان داخرا
	سەرپێچی‌ یاسا و پاشاگەردانی‌ بەم ئاستە؟
	راگەیەنراوێک بۆ ڕایگشتى لەبارەى سزادانى دووبارەى شێروان شێروانى
	ئەمە گرانکردنی‌ بەنزینە، یان یەکخستنی‌ نرخ؟
	باجى (٥%)ى ڕاستەوخۆ لەسەر پسوڵەى نەخۆشخانەى تایبەتەکان نایاساییە